Kryeministrja italiane Giorgia Meloni zhvilloi bisedime kokë më kokë me presidentin francez Emmanuel Macron në Romë, për situatën e tensionuar të emigrantëve, një problem i të dy vendeve.
Udhëheqësi francez zhvilloi një vizitë në Romë për të marrë pjesë në funeralin shtetëror të ish-presidentit Giorgio Napolitano, e më pas liderët zhvilluan takim të gjatë miqësor, me fokus të diskutimeve menaxhimi i fenomenit të refugjatëve të paligjshëm.
Ndër të tjera diskutuan për prioriteteve ekonomike evropiane, përpara takimeve të ardhshme evropiane.
Ky diskutim i rëndësishëm vjen pas rritjes së numrit të emigrantëve në mënyrë të shpejtë në ishullin italian të Lampedusas, situatë që ringjalli një debat të hidhur në të gjithë BE-në për marrjen e përgjegjësisë për azilkërkuesit.
Ka pasur një retorikë veçanërisht të nxehtë në Francë, ku partitë politike në parlamentin e vendit debatojnë mbi një projektligj që rregullon të ardhurit e rinj në territoret franceze.
Ministri i Brendshëm Gerald Darmani deklaroi se Franca nuk do të mirëpresë asnjë emigrant që vjen nga Lampedusa, pasi 8,500 persona zbarkuan në ishull vetëm në tre ditë.
Burimi: GAZETA.MK
