“Sinqerisht nuk po dua ta besoj…” – Shqipëria proteston, institucionet heshtin

Adriatik Riza Dosti ka reaguar ashpër lidhur me protestat në Shqipëri, duke thënë se për disa ditë me radhë qytetarët kanë dalë në rrugë duke kërkuar ndryshim dhe dorëheqjen e kryeministrit Edi Rama.

Ai shpreh shqetësim për mungesën e reagimeve institucionale, duke kritikuar Presidentin Bajram Begaj, Kuvendin dhe institucionet e sigurisë për mosveprim në situatën e krijuar, përcjell “Bota sot”.

Dosti gjithashtu kritikon opozitën, komunitetet fetare dhe faktorin ndërkombëtar, duke thënë se nuk kanë reaguar ndaj zhvillimeve në vend.

Në reagimin e tij, ai ngre akuza të forta ndaj qeverisë dhe fton për mbështetje ndërkombëtare ndaj protestave, duke paralajmëruar për një situatë të rënduar politike në Shqipëri.

Postimi i plotë

Sinqerisht nuk po dua ta besoj…
Për 10 ditë radhazi Shqipëria e shqiptarët janë derdhur lumë në rrugë e në sheshe… dhe janë me qindra – mijëra… burra, gra, të rinj e të reja, pleq e fëmijë që kërkojnë vërtet një Shqipëri të re… dhe largimin, ikjen e dorëheqjen e më të keqit shtetar e politikan të historisë së tyre kombëtare, hajdutit e tradhtarit Edi Rama.

Dhe absolutisht asnjë lloj reagimi, qoftë edhe formal e sa për të larë gojën, prej shtetit të tyre e prej shtetarëve të tij.
A thua se ky nuk është as vendi e as populli i tyre.
A thua se këta palaço e qelbësira i paguan dikush tjetër e jo shqiptarët… ani pse nga xhepi i tyre i varfër.

Ku është fshehur kukulla president Bajram Begaj… i pa burri që deri dje bridhte rrugëve e shesheve të Mekës, veshur me çorapë të bardha sikur e kishin bërë synet… asnjë reagim nga presidenca e presidenti.
Pa diskutuar krimin tjetër që ai po bën… duke mos mbledhur Këshillin e Sigurisë Kombëtare për vetë situatën e jashtëzakonshme në të cilën ndodhet Shqipëria prej gati 2 javësh.

Pavarësisht se protesta nuk është pronë e asnjë partie politike… për gjendjen ku ndodhet momentalisht ai vend e ai popull si PD e si PS dhe liderët e tyre duhet të dilnin me deklarata konkrete e publike lidhur me situatën e krijuar.

Ku ka humbur Kryetari i Parlamentit të Shqipërisë Nikua Pe-leshi, pse s’bëhet i gjallë…
Ku është Kosova e Albin Kurti kur shqiptarët në Tiranë po thërrasin edhe në emër të tyre…
Ku janë komunitetet fetare e krerët e tyre, pse nuk reagojnë… nuk është përzierje në politikë por është mbrojtje e vendit dhe e popullit të tyre.

Ku janë reagimet e ambasadave kryesore të Europës… ku është reagimi e qëndrimi zyrtar i BE e Brukselit për gjithë ç’po ndodh në Shqipëri.

Nuk është film e as histori Dimri a Verë o zotërinj… është realitet i dhimbshëm… teksa me të drejtë e fort të zemëruar, të vjedhur e tradhtuar shqiptarët po kërkojnë një Shqipëri të re.

Nuk po protestojnë një tufë njerëzish rrugësh e një tufë flamingosh zotërinj europianë… siç ju gënjen e mashtron Rama ju… por në rrugë e në sheshe është krejt Shqipëria, e cila kërkon me të drejtën e Zotit largimin e kryeministrit të saj… të përkëdhelurit tuaj… të super korruptuarit që mbështesni ju e që për qëllimet e interesat tuaja të ndyra e anti-shqiptare e keni mbajtur kaq gjatë në pushtet e deri më sot.

Ku është Amerika e amerikanët kur vendi e populli më pro amerikan në botë më shumë se kurrë sot ka nevojë për dorën e ndihmën e tyre… ka nevojë për mbështetjen e fuqishme të tyre për t’i thënë JO vjedhjes, abuzimit, korrupsionit e tradhtisë dhe për t’i thënë PO mbrojtjes së pasurive kombëtare, dinjitetit njerëzor e demokracisë.

Shqiptarët e Shqipëria duhen ndihmuar një orë e më parë… o sot o kurrë.
Pa kaluar në luftë civile për të cilën po bën gjithçka për ta çuar atë vend e atë popull anti-shqiptari Rama.

A.R.D