Është normale nëse nuk ndiheni të sigurt gjatë gjithë kohës me trupin tuaj. Do të ketë momente të tilla ku mund të ndiheni jo rehat ose të zhgënjyer me të. Shumë njerëz priren ta ndiejnë këtë, përpara aktit seksual pasi u duhet të dalin nga zona e tyre e rehatisë dhe të zhvishen plotësisht para partnerit. Më poshtë ju tregojmë disa mënyra se si të ndiheni të sigurt dhe të jeni pozitivë për trupin tuaj gjatë momenteve intime.
Admironi ato që keni
Filloni ta shikoni veten në pasqyrë, në mënyrë të tillë që të admironi çdo detaj të trupit tuaj. Sa më shumë të mësoheni do të jeni në harmoni me trupin tuaj, dhe aq më shumë do të jeni në gjendje të mos keni komplekse edhe para partnerit tuaj.
Eksploroni gjithçka që ju pëlqen
Merrni kohën që ju nevojitet për çdo hap që bëni me partnerin tuaj. Nëse po filloni me paralojë, përpiquni të kuptoni se çfarë jua shton dëshirën. Dhe nëse provoni seksin oral, atëherë duhet të kuptoni nëse ju pëlqen apo jo ta bëni. Mos u ndjeni të detyruar nëse nuk ju pëlqen. Është krejtësisht normale. Kur të kuptoni preferencat tuaja, duhet t’i tregoni ato sepse kështu do të shfaqeni më të sigurt dhe më me vetëbesim.
Flisni me partnerin tuaj
Seksi ka më shumë sesa thjesht ta bësh atë. Ju duhet t’i komunikoni dëshirat tuaja partnerit tuaj dhe madje t’i tregoni atij se çfarë nuk ju pëlqen gjatë seksit. Sa më shumë që i shtypni mendimet tuaja në shtrat, aq më i madh bëhet hendeku mes jush.
Bëni çfarë ju sjell në humor
Për të ditur se çfarë ju sjell humorin dhe dëshirën për seks, së pari do t’ju duhet të analizoni veten dhe të kuptoni se çfarë ju ndez. Nëse dëgjimi i muzikës romantike ose pirja e verës ju ndihmon të ndiheni më mirë, atëherë kështu mund ta stimuloni veten.
