Nuk ka filluar ashtu siç ishte paraparë gara e lëshimeve në skijimin alpin të Lojërave Olimpike Dimërore Pekini 2022.
Kjo ka ndodhur për shkak të erërave të forta në këtë vend dhe si rrjedhojë nuk është zhvilluar as gara e skitarit nga Kosova Albin Tahiri, raporton KosovaPress.
Tahiri është dashur të garonte në orët e hershme të mëngjesit të së dielës, por kjo nuk ndodhi. Fillimisht kjo garë u shty për disa orë, por për shkak të mos përmirësimit të motit, ajo y shty sërish dhe do të zhvillohet të hënën.
Albin Tahiri pritet të bëjë lëshimin e parë të hënë në orë 05:00.
