Vullkani i malit Lewotobi Laki Laki në Indonezi shpërtheu tre herë në orët e para të së shtunës, duke nxjerrë hi rreth 10 km të lartë, ndërsa autoritetet planifikonin të zgjeronin një zonë sigurie në zonë.
Të dielën e kaluar, nëntë njerëz vdiqën për shkak të shpërthimeve të njëpasnjëshme të vullkanit në provincën e Nusa Tenggara Lindore. Që atëherë, autoritetet janë përpjekur të evakuojnë rreth 16,000 banorë nga komunitetet përreth Lewotobi për shkak të aktivitetit intensiv vullkanik.
“Shpërthimet e shoqëruara me lëshimin e llavës dhe gazeve në perëndim dhe jugperëndim të vullkanit Lewotobi Laki-Laki vazhdojnë”, tha Muhammad Wafid, kreu i Qendrës për Vullkanologjinë e Indonezisë.
Autoritetet indoneziane planifikojnë të zgjerojnë zonën e sigurisë rreth vullkanit në nëntë kilometra nga tetë kilometrat e tanishëm.
Operacioni i evakuimit vazhdon në zonë, ndërsa deri në mbrëmjen e së premtes u vlerësua se rreth 10.700 persona ishin larguar nga shtëpitë e tyre.
Burimi: botasot.info
