Drejtori ekzekutiv i Google-s, Sundar Pichai tha se shoqëria duhet të përgatitet për zhvillimin e shpejtë të inteligjencës artificiale, transmeton Anadolu.
Sipas lajmeve në mediat amerikane, Pichai, i cili dha një intervistë për televizionin CBS, tha se Google “nuk e kupton plotësisht” se si funksionon sistemi i tij i inteligjencës artificiale.
Duke thënë se shoqëria duhet t’i përshtatet kësaj, Pichai tha se shkrimtarët, kontabilistët, arkitektët, madje edhe inxhinierët e programeve kompjuterike do të jenë ndër ata që do të humbasin punën për shkak të inteligjencës artificiale.
Sipas tij, përhapja e shpejtë e informacionit të rremë do të jetë shumë më e madhe në të ardhmen për shkak të zhvillimit të shpejtë të inteligjencës artificiale. Pichai theksoi se shoqëria duhet të përshtatet me rregulloret e bëra për ta bërë inteligjencën artificiale më të sigurt.
Ai shtoi se jo vetëm zhvilluesit e softuerit, por edhe filozofët, shkencëtarët socialë dhe ekspertët e shkencave morale duhet të kontribuojnë në zhvillimin e inteligjencës artificiale.
Duke thënë se shoqëria nuk e ka mbajtur plotësisht ritmin e zhvillimit të teknologjisë, Pichai tha se njerëzit nuk janë plotësisht të gatshëm për teknologjinë e inteligjencës artificiale, por në retrospektivë, ndërgjegjësimi i tyre për këto çështje është rritur.
Pichai, teknologjitë të tilla si chatbot i inteligjencës artificiale të Google-s, “Bard” i përshkroi si “një kuti e zezë që nuk kuptohet plotësisht”.
Konkurrenca në inteligjencën artificiale po rritet
Për të përshpejtuar përparimet e tij në AI, Microsoft bashkëpunoi me OpenAI, zhvilluesi i chatbot-it të inteligjencës artificiale ChatGPT.
Kompania amë e Google-s, Alphabet, prezantoi teknologjinë e saj të re të quajtur “Bard”, e cila mund të rivalizojë ChatGPT në shkurt.
Gjiganti amerikan i tregtisë elektronike Amazon njoftoi teknologjitë e reja javën e kaluar që synojnë të ndihmojnë kompanitë e tjera të zhvillojnë chatbot-et dhe shërbimet e tyre për të krijuar produkte me AI.
Në një letër të hapur të nënshkruar nga më shumë se 1.000 persona, përfshirë Elon Musk, të publikuar muajin e kaluar nga Instituti jofitimprurës “Future of Life” (E Ardhmja e Jetës), është kërkuar pezullimi i zhvillimit të robotëve të avancuar të inteligjencës artificiale derisa të zhvillohen dhe mbikëqyren protokollet e përbashkëta të sigurisë për dizajnet e robotëve të inteligjencës artificiale nga ekspertë të pavarur.