Për herë të parë është zhvilluar FIBA 3×3 Women’s Series në Kosovë.
Për dy ditë me radhë kishte ndeshje mjaft interesante, ndërsa përfundoi ashtu si e meritoi me një super finale mes SHBA-së dhe Francës, ku vashat amerikane fituan 14:13.
Çmimin e trofeut e kanë ndarë ish-basketbollistja e njohur, Resmije Juniku, si dhe ish-basketbollisti dhe përfaqësuesi i klubit 3×3 Prishtina, Fikret Shatri.
Ndërkohë, Sekretarja e Përgjithshme e Federatës së Basketbollit të Kosovës, Elvira Dushku ka ndarë çmimin për vendin e tretë, ndërsa Drejtori i Sportit në Komunën e Prishtinës, Granit Rugova për atë të dytë.
Kujtojmë se në këtë garë për herë të parë u paraqit edhe Kosova.
Garat po vazhdojnë edhe në FIBA 3×3 Prishtina Challenger, që do të përmbyllet nesër (e diel).
Ky organizim po bëhet nga klubi 3×3 Prishtina në bashkëpunim me Federatën e Basketbollit të Kosovës, Ministrinë e Kulturës, Rinisë dhe Sportit dhe Komuna e Prishtinës.
