Italia e ka mposhtur me rezultat 28:25 kombëtaren e Kosovës në ndeshjen e tretë të “Yellov Cup” që u mbajt në Zvicër.
Italia e mbylli turneun me dy fitore e një humbje dhe Kosova nuk ia doli të marrë as një barazim, pësoi tri humbje rresht.
“Fitorja e skuadrës italiane në ditën e tretë të ‘Yellov Cup’ në Winterthur (Zvicër).
Kombëtarja mundi Kosovën sot (e diel) me rezultatin përfundimtar 28:25 (13:15), duke përmbysur disavantazhin e pjesës së parë.
Bilanci pozitiv për skuadrën e drejtuar nga Riccardo Trillini: fitore ndaj Zvicrës (31:29) dhe Kosovës dhe humbjen e djeshme nga Holanda (31:26).
E gjithë kjo, pa përmbyllje të fortë dhe mungesa për shkak të dëmtimit të lojtarëve të rëndësishëm si Andrea Parisini, Marco Simone dhe në dy ndeshjet e fundit edhe Simone Mengon”, shkruan faqja e Federatës së Hendbollit të Italisë.
Selektori i Italisë, Riccardo Trillini, shpreh kënaqësinë për fitoren ndaj Kosovës.
“Skuadra në fund të ndeshjes ka dëshmuar edhe një herë se është luftarake, se di të reagojë ndaj vështirësive që paraqiten në një ndeshje me shumë pak rotacione, kundër Kosovës cilësore dhe me shumë eksperiencë.
Bilanci është jashtëzakonisht pozitiv sepse arritëm atë që donim: tre ndeshje të nivelit të lartë duke testuar të gjithë lojtarët, duke kufizuar rrezikun e lëndimeve në minimum, duke u përpjekur të rrisim ndjenjën me këtë nivel për lojtarët që aspirojnë për të hyrë në listën e 18-shit apo që në çdo rast duhej të futeshin në zemrën e lojës së kësaj kombëtareje. Mungesat na kanë ndihmuar të kuptojmë se mund të llogarisim te të gjithë anëtarët.
Nga pikëpamja mbrojtëse, ne provuam sistemin 5-1 për herë të parë”, tha mes të tjera selektori italian.
Italia – Kosova 28:25
Italia: Ebner, Colleluori (2), Pavani (1), Prantner 1, De Angelis, Dapiran, Bulzamini, Angiolini, Savini 3, Romei, Helmersson 13, Bronzo 2, Iballi 2, Bortoli 2, Pirani 5, Moretti, Marrochi, Sontacchi. Selektori Riccardo Trillini
Kosovo: Berisha, Zena (2), Dedaj 1, Mushkolaj 2, Quni, Tahirukaj D. 5, Shabani, Ramosaj, Muqolli, Gegaj 5, Ramadani 1, Mulaj, Gjuka 3, Mirdita 3, Taci 1, Alaj, Tahirukaj D. 4. Selektori Bujar Qerimi.
Burimi: botasot.info
