Sekuestrohen kokainë, marihuanë dhe amfetaminë – dy të dyshuar përballen me kallëzim penal

SPB Shkup ka ngritur kallëzim penal ndaj M.B. (23) nga Shkupi dhe N.J. (22) nga Manastiri, për shkak të dyshimit të bazuar se kanë kryer veprën penale “prodhim i paautorizuar dhe vënie në qarkullim e narkotikëve, substancave psikotrope dhe prekursorëve”.

Siç thuhet në buletinin policor, më 2 korrik 2026 në Shkup, gjatë kontrollit të një automjeti të tipit “Seat”, të drejtuar nga i kallëzuari i parë, ndërsa e kallëzuara e dytë ishte pasagjere, gjatë kontrollit personal të tyre është gjetur dhe sekuestruar një substancë pluhur.

Ndërsa më 3 korrik 2026, gjatë bastisjes në një objekt në bulevardin “Brigada e Tretë Maqedonase” në Shkup, policia ka gjetur dhe sekuestruar marihuanë, amfetaminë, kokainë dhe tableta MDMA.