sejdiu ne kohen e bdi se shqiptaret rriheshin dhe vriteshin u vra edhe komandant shqiponja 6aff7323555cc

Sejdiu: Në kohën e BDI-së shqiptarët rriheshin dhe vriteshin, u vra edhe komandant Shqiponja

November 20, 2026
1 minut lexim

Përfaqësuesi i lartë i VLEN-it dhe kryetari i Komunës së Zhelinës, Blerim Sejdiu ka kritikuar BDI-në lidhur me deklaratat për fuqinë dhe ndikimin e shqiptarëve në qeveri, duke rikujtuar periudhën kur kjo parti ishte në pushtet në koalicion me VMRO-DPMNE-në.

Sejdiu duke i reaguar Bajram Rexhepit të BDI-së tha se është subjekti i fundit që duhet të flasë për këtë çështje, duke pretenduar se gjatë qeverisjes së kësaj partie tanimë opozitare, kanë ndodhur raste të rënda ndaj shqiptarëve, për të cilat, sipas tij, “eksponentët e kësaj partie nuk kanë reaguar publikisht”.

“Në kohën kur këta kanë qenë në pushtet, para syve të tyre shqiptarët edhe vriteshin, edhe rriheshin dhe asnjë deklaratë nga eksponentët e BDI-së nuk doli të thotë asgjë. Në selinë e tyre ka pasur vrasje, komandant Shqiponja u vra te këta dhe tani na flasin neve për fuqi”, deklaroi Sejdiu.

Ai gjithashtu theksoi se gjatë qeverisjes aktuale, sipas tij, nuk kanë ndodhur raste të montuara dhe vrasje si ato që pretendon se kanë karakterizuar periudhën e qeverisjes së BDI-së.

“Te qeverisja jonë nuk kanë ndodhur raste të montuara dhe vrasje si në kohën e tyre”, u shpreh mes tjerash Sejdiu.

Burimi: alfax.mk

VERO

EVN MACEDONIA

MATINA DENTAL CLINIC

AUTO SHKOLLA BEKO

justin dhe hailey bieber shijojne nje mbremje romantike ne new york 6aff58508151c
Lajmi i mëparshëm

Justin dhe Hailey Bieber shijojnë një mbrëmje romantike në New York

rikthehet energjia elektrike ne kuvend vazhdon seanca per
Lajmi i radhës

Rikthehet energjia elektrike në Kuvend, vazhdon seanca për buxhetin

Të fundit nga

ShkoLartë