Deputeti demokrat Ervin Salianji ka përsëritur thirrjen e tij për largimin e Lulzim Bashës nga kreu i PD.
Përmes një postimi në Facebook, Salianji shkruan se ka ardhur koha që Basha të largohet pasi në 9 vite ka luftuar demokratët, ndërkohë që demokratët luftonin për të.
Postimi i plotë:
Lulzim Basha duhet të ikë!
Megjithëse në këto orë po përpiqet të blejë kohë e të manipulojë duke u përgjëruar “edhe për njê tjetër herë të fundit” e cila nuk ka fund, por po tenton të çojë PD drejt fundit!
Ai thote qe “po lufton”, por u bënë 9 vite që luftojmë për të dhe e vetmja luftë e tij është lufta ndaj demokratëve! Duhet ta shohë realitetin në sy, ai nuk mundet më të marrë zvarrë të ardhmen që po bëhet e shkuar.
Partia Demokratike është aset kombëtar jo aset personal!
Si përherë me demokratët ✌🏻
