Rusia nisi një sulm tronditës ndaj Ukrainës një javë më parë. Që atëherë, ushtria e Vladimir Putinit ka kapur pjesë të mëdha të vendit, derisa beteja për Kievin po vazhdon. Këto harta të tmerrshme tregojnë se sa territor ka marrë ushtria ruse në vetëm katër ditë, raporton express.uk, përcjell Bota sot.
Rusia po i afrohet gjithnjë e më shumë kryeqytetit të Ukrainës, Kievit, derisa ushtria e Vladimir Putinit ka kapur tashmë pjesë të mëdha të jugut. Që nga fillimi i sulmit të saj, trupat ruse kanë bërë përparime të mëdha në fitimin e territorit. Forcat kanë nisur katër sulme të veçanta gjatë 24 orëve të fundit, me katër qytete në vizionin e Putinit, përcjell Bota sot.
Një kolonë e madhe automjetesh të blinduara po shkon ngadalë drejt Kievit, kanë zbuluar imazhet satelitore.
Rusët kanë nisur tashmë sulme në rrjetin teknologjik të qytetit, duke përfshirë një goditje vdekjeprurëse në një kullë televizive.
Pesë persona u vranë të martën mbrëma kur një raketë goditi kullën historike.
Kanalet televizive ukrainase ndaluan transmetimin menjëherë pas sulmit.
Sa larg ka lëvizur ushtria e Putinit në katër ditë
Forcat ruse kanë marrë tashmë kontrollin e pjesëve të mëdha të Ukrainës.
Trupat nga gadishulli i Krimesë kanë rrjedhu drejt qyteteve jugore Kherson dhe Mariupol, sipas Institutit për Studimin e Luftës (ISW).
Pushtimi rus: Territori i ushtrisë së Putinit ka kapur zonat gri në vetëm katër ditë (Image: ISW)
Por, harta e fundit e zonës së kontrolluar nga Rusia, tregoi se Putini kishte rrethuar Kherson dhe forcat ishin tashmë afër Mykolaiv dhe Odesesë.
Rusia gjithashtu ka pretenduar tani kontrollin e Mariupolit – edhe pse kjo u kundërshtua nga zyrtarët ukrainas.
Rusia ka bërë gjithashtu fitime të mëdha territoriale në kufirin verior, zbuluan hartat.
Pushtimi rus: Territori i ushtrisë së Putinit ka kapur zonat gri në vetëm katër ditë (Image: ISW)
Katër ditë më parë, ushtria e Putinit kishte filluar të mobilizohej nga qytetet ruse Belgorod dhe Kursk.
Më 1 mars, ato forca nisën një plan rrethuar Kharkivin si dhe qytetin e Sumy.
Disa nga trupat dukej se po lëviznin drejt Chernihiv dhe Kievit.
Kryeqyteti ka qenë i rrethuar për gati një javë dhe më 25 shkurt, trupat ruse kishin arritur në periferi të qytetit.
Që atëherë, mbrojtja ukrainase ka qenë e fortë dhe forcat sulmuese janë detyruar të presin përforcime.
Hartat e fundit tregojnë se ushtria ruse fillon të rrethojë Kievin nga fronti perëndimor.
Sipas inteligjencës, një sulm më i madh në qytet pritet brenda 48 orëve të ardhshme./Botasot
