Media britanike “Daily Mail” ka shkuar në lidhje më hakerimin e të dhënave nga iranianët në vendin tonë duke e lidhur atë me emigrimin masiv të shqiptarëve drejt Anglisë në rrugë ilegale.
Sipas saj, rrjedhja e të dhënave ka zbuluar emrat dhe të dhënat e agjentëve të inteligjencës shqiptare të cilat janë bërë publike nga hakerat duke cenuar sigurinë.
Ekspertët thonë se rrjedhja e të dhënave është shkatërruese dhe mund të frenojë përpjekjet për të luftuar krimin e organizuar shqiptar për vite me radhë.
Më tej media britanike shkruan se të dhënat janë hakeruar nga kompjuterët e qeverisë shqiptare në muajin korrik dhe është publikuar gradualisht në internet.
Shqipëria ka akuzuar Iranin se qëndron pas sulmit dhe muajin e kaluar ndërpreu marrëdhëniet diplomatike dhe dëboi personelin e ambasadës iraniane pas një hetimi të përbashkët me FBI-në.
Numri i emigrantëve shqiptarë që mbërrijnë në Britaninë e Madhe me gomone është rritur në nivele rekord gjatë këtij viti. Sipas Daily Mail, shqiptarët përbëjnë përqindjen më të madhe të të burgosurve në burgjet britanike.
Mes të dhënave të publikuar nga hakerat është edhe një dosje e quajtur “Të dyshuarit” e cila përmban më shumë se 100 mijë emra me foto të tyre, megjithatë autoritetet e kanë mohuar këtë fakt.
Sipas Daily Mail në këtë listë janë edhe emrat e disa prej atyre që konsiderohen si mbretërit shqiptarë të trafikut të drogës që kanë operuar në vitet e fundit në Britaninë e Madhe. Këtu përfshihet edhe një 37-vjeçar i cili u ndalua në Mbretërinë e Bashkuar për trafik droge.
Në listë po ashtu është edhe një person i dënuar për vrasje, i cili u arrestua nga policia metropolitane pasi kishte kaluar 22 vite në arrati dhe u depërtua drejt Shqipërisë nëntorin e kaluar. Ai kishte përdorur një emër të rremë për të kërkuar azil në Mbretërinë e Bashkuar si refugjat nga Kosova.
Media britanike konsideron se rrjedhja më e dëmshme deri më tani është një dokument prej 16 faqesh që përmban emrat, numrin persona, numrin e celularit të anëtarëve të Shërbimit të Inteligjencës Shtetërore (SHISH).
Në dosje gjenden edhe emrat e oficerëve të Agjencisë Kombëtare të Krimit, versioni britanik i FBI-së, të cilët ndodhen në Shqipëri në përpjekje për të luftuar bandat e organizuara kriminale.
Philip Ingram, një ish-kolonel në inteligjencën ushtarake britanike, paralajmëron se rrjedhjet e të dhënave mund të pengojnë seriozisht përpjekjet britanike për të penguar kriminelët shqiptarë që kontrollojnë trafikun e emigrantëve me gomone. “Këto rrjedhje janë një goditje shkatërruese jo vetëm për shërbimet shqiptare të sigurisë, por edhe për agjencitë tona të zbatimit të ligjit që punojnë për të mbrojtur brigjet tona nga bandat kriminale,” tha ai.
Një zëdhënës i qeverisë shqiptare tha se materiali ishte një ‘përzierje e së vërtetës dhe gënjeshtrës’ dhe kundërshtoi disa nga shifrat e përmendura në dokumentet zyrtare si ‘numra krejtësisht të sajuara’.
