Sipas Daily Mail, Rita Ora ka nënshkruar një kontratë prej 5 milionë pound (6 milion euro) si imazhi i “Prada”.
Ndërsa një burim për “The Sun”, ka folur për besimin që kanë drejtuesit tek Rita.
“Drejtuesit e modës mendojnë se Rita është e përshtatshme për të mbajtur markën e tyre të fuqishme.
Ajo është një superstar dhe kalon botën e muzikës, filmit dhe TV. Pamja e Ritës është ikonë”, mësohet se kanë thënë ata.
Shtëpia luksoze e modës me qendër në Itali i ka shtua kështu bashkëpunimeve me personazhe të njohur, edhe emrin e këngëtares me origjinë shqiptare.
Tom Holland ka qenë imazh i po të njëjtës markë për fushatën e tyre për meshkuj “pranverë/verë 2022”.
Rita ka edhe linjën e saj të veshjeve “Rora Republic” dhe më parë ka drejtuar fushata me kompaninë kozmetike “Rimmel” dhe “Adidas”.
