Qyteti i Lezhës shumë shpejt do të ketë ambiente të reja të Pallatit të Kulturës dhe bibliotekës publike Gjergj Fishta. Puna për rikonstruksionin e këtyre objekteve ka nisur dhe afati i përfundimit të punimeve është 12 muaj.
Mark Gjoka drejtor i pallatit të Kulturës thotë se rikonstruksionit po i nënshtrohen të gjitha mjediset e brendshme për ta kthyer këtë institucion në një shkollë të edukimit dhe artit.
Projekti për rikonstruksionin e bibliotekës publike përfshin edhe forcimin e kolonave për të rritur sigurinë gjatë lëvizjeve sizmike që mund të ndodhin.
Fondi limit i këtij projekti është 240 milionë lekë
