Si pasojë e reshjeve të shiut disa rrugë në kryeqytetin Prishtina janë vërshuar.
Një pjesë e rrugës “Agim Ramadani” në Prishtinë u vërshua në orët e mbrëmjes.
Nga terreni raportohet poashtu për sasi të mëdha të reshjeve të grumbulluara edhe në afërsi të Stacionit të Autobusëve.
Në pamje shihet se nga këto reshje, ka pasur përmbytje të veturave.
Komuna e Prishtinës ka paralajmëruar gjatë ditës se priten erëra të forta të shoqëruara me reshje shiu, ndërsa në orët e vona të natës do të ketë edhe reshje bore.
Ajo këshillon qytetarët për kujdes të shtuar, veçanërisht së sigurojnë objektet e lëvizshme në ballkone ose oborre për të shmangur dëmet nga era, po ashtu të reduktojnë lëvizjet e panevojshme në kushte të motit të rënduar dhe të shmangin parkimin pranë pemëve ose objekteve të rrezikshme.
Ekipet e emergjencave janë në gatishmëri të plotë për çdo situatë të mundshme dhe për ndihmë apo raportime qytetarët mund të kontaktojnë Drejtorinë për Siguri dhe Emergjenca në numrin 0800 122 33 ose 122 44.
Burimi: botasot.info
