Profesoresha dhe ish-deputetja nga radhët e LSDM-së, Frosina Remenski thotë se Maqedonia e Veriut nuk e shfrytëzon aq sa duhet përfitimin nga anëtarësimi në NATO.
“NATO nuk është vetëm tanke dhe armatë. NATO është lidhje politike, por ne shumë pak e shfrytëzojmë forumin politik në NATO të debatojmë për temat e pavarësisë dhe integriteti”, tha Remenski.
Sipas saj, retorika e palës bullgare në bisedime nuk është vlerë e Kartës së OKB-së dhe vendeve anëtare dhe se Bullgaria duhet të respektojë sovranitetin dhe integritetin e vendit.
Kujtojmë se Bullgaria dhe Maqedonia po negociojnë në çështjet historike në mënyrë që të debllokohet procesi eurointegrues i Maqedonisë së Veriut.
