Në katër muajt e fundit në Tiranë qytetarët janë penalizuar me 89,580 gjoba nga policia rrugore.
Sipas të dhënave nga fillimi i korrikut e dëri në tetor vetëm për përdorimin e telefonit gjatë drejtimit të mjetit janë vendosur 14,531 gjoba.
Ndërkohë Kodi Rrugor parashikon penalizimet për përdorimin e telefonit që variojnë nga 50 mijë lekë të vjetra deri në 150 mijë lekë. Por në rast përsëritje penalizimi shtohet me pezullim të lejes së drejtimit.
Gjithashtu në këtë 4 mujor, për mosvendosjen e rripit janë gjobitur 8,792 qytetarë.
Raporti me të dhënat zyrtare tregon se vetem për mos dhenje përparësi ndaj këmbësorit rrugoret kanë gjobitur 7,192 qytetarë, 6,564 gjoba janë vendosur për kasken mbrojtëse për drejtuesit e motomjeteve, si dhe 5,416 masa për ecje me shpejtësi tej normave të lejuara.
Në një përllogaritje të thjeshtë me vlerën mesatare të gjobave, në këto 4 muaj vetëm nga masat administrative policia ka grumbulluar rreth 5 miliardë lekë.
