Regjimi i Bashar al-Assadit në Siri ka pretenduar se Izraeli ka kryer sulm ajror ndaj disa pikave në kryeqytetin Damask, transmeton Anadolu.
Në lajmin e agjencisë së lajmeve SANA të regjimit, të cilin e bazon në një burim ushtarak, thuhet se disa pika përreth qendrës së qytetit Damask janë vendosur në objektiv me sulmin ajror nga forcat izraelite.
Si pasojë e sulmit janë plagosur 2 elementë të regjimit njoftohet në lajmin ku thuhet se “Sistemet tona të mbrojtjes ajrore duke përballuar raketat e armikut rrëzuan disa prej tyre dhe u shkaktuan dëme”.
Ndërkohë, autoritetet izraelite nuk kanë bërë ndonjë deklaratë lidhur me sulmin në fjalë.
Në Damask dhe zonat në periferi të tij, dihet se krahas ushtrisë së regjimit ka prani të grupeve terroriste nën urdhrin e Gardës Revolucionare të Iranit dhe kryesisht elementë të Hezbollahut libanez.
Që nga viti 2011 kur filloi lufta e brendshme, Izraeli kryen herë pas here sulme kundër grupeve me mbështetje iraniane dhe pikave ushtarake të regjimit në Siri.
