Real Madrid nuk ndalet me blerjen e Kylian Mbappe. Tentativat e presidentit Florentino Perez për të përmirësuar vit pas viti skuadrën vijojnë.
“Relevo”, “Marca” dhe “AS” raportojnë se në Madrid planet për merkaton e verës janë të mëdha.
Drejtuesit kanë arritur akordet paraprake me dy mbrojtësit e krahut më në zë të momentit.
Ata janë Alexander-Arnold (Liverpool) dhe Alphonso Davies (Bayern). Elementi pse transferimet e tyre janë speciale është se nuk kushtojnë thuajse asgjë.
Më saktësisht, do të jenë lojtarë të lirë dhe Real Madrid duhet të kujdeset vetëm për komisionet e agjentëve të tyre.
Me këto dy transferime spektakolare me parametra zero, Real Madrid do të ketë krahët më të fortë dhe më të shpejtë në botë. Sikur të mos mjaftonin yjet si Mbappe dhe Vinicius Junior, përgatituni për mbrojtjen më të bujshme në planet.
Burimi: botasot.info
