Kryeministri Edi Rama dhe ish-kryeministri Sali Berisha do të përballen me njëri-tjetrin sonte…por virtualisht!
Lideri historik i Partisë Demokratike, Berisha do të dalë përballë gazetarëve në emisionin “Opinon” të drejtuar nga moderatori Blendi Fevziu.
Kryeministri do të jetë i ftuar në emisionin “Open” të Eni Vasilit. Mes aktualitetit politik një temë e rëndësishme që do të marrë vëmendje janë zgjedhjet e pjesshme lokale në 6 bashki të vendit.
Grupi i udhëhequr nga Sali Berisha ka deklaruar se do të marrin pjesë dhe do t’i fitojnë ato zgjedhje. Rama ndërkohë është shprehur se këto zgjedhje nuk janë një betejë për jetë a vdekje, por sigurisht që PS-ja hyn në garë për t’i fituar.
