Kryetari i Prishtinës, Përparim Rama, këtë të enjte do të mbajë konferencë për media teksa pritet të fillojë zhvendosja e kioskave në rrugën “Muharrem Fejza”.
Pikërisht zhvendosja e tyre është edhe një nga arsyet që punimet në këtë pjesë të kryeqytetit u stërzgjatën.
Ato u zhvendosën edhe një muaj më parë, mirëpo tani duhet të lëvizin dy metra më larg nga ku janë aktualisht.
Pronarët nuk po e kundërshtojnë këtë shpërngulje të dytë kurse qytetarët po e konsiderojnë si një vendim që duhet të ishte marrë kohë më parë.
