Edhe Kryeministri Edi Rama, e ka mbyllur fushatën zgjedhore për zgjedhjet e 6 marsit në Shkodër.
Në fjalën e tij, ai ka “sulmuar” Lulzim Bashën dhe Sali Berishën, duke thënë se demokratët e Shkodrës, do të zgjedhin mes dy alternativa që sipas Ramës nuk kanë shpresë për të ardhmen.
Edi Rama: Më 6 mars nuk ka një zgjedhje për të mbajtur Shqipërinë krenare pranë aleatit tonë më të madh strategjik SHBA apo për ta degdisur Shqipërinë në prehrin e një grupi politik në krye të të cilit qëndron dikush që nuk ka asnjë lidhje tjetër, me politikën sot përveçse një karshillëku të pakuptimtë dhe pa lidhje me jetën e qytetarëve.
Apo në prehrin e një grupi tjetër ku njeriu i cili është në krye di vetëm të humbasë.
