Në Propozim-buxhetin për vitin 2023, të cilin Qeveria sot e miratoi në mbledhje, të ardhurat janë projektuar në 282,05 miliardë denarë, ndërsa shpenzimet në 324,8 miliardë denarë.
Deficiti i buxhetit është vlerësuar në 42,75 miliardë denarë.
Më shumë hollësi për Propozim-buxhetin për vitin 2023 do të prezantojë ministri i Financave, Fatmir Besimi në konferencën për media të caktuar për në orën 14.
Në mbledhjen qeveritare, siç informoi shërbimi për informim i Qeverisë, është miratuar edhe Propozim-ligji për realizimin e Buxhetit për vitin 2023.
