Presidenti i Rusisë, Vladimir Putin, i vazhdoi akuzat ndaj Ukrainës për një përdorim të mundshëm të “bombës së pistë”.
Ai tha të enjten para mediave në Moskë, se Kievi zyrtar po bëhet gati për një “incident bërthamor”, që më pas sipas tij, të fajësohet Rusia.
Putini shtoi se Ukraina po synon një fazë të re të luftës dhe sanksione të reja nga vendet perëndimore për Rusinë.
Lideri rus akuzoi zyrtarët ukrainas edhe për shkatërrimin e objekteve të furnizimit me energji, me idenë që fajin t’ia hedhin Rusisë.
Rusia ditëve të fundit ka sulmuar vazhdimisht infrastrukturën energjetike të Ukrainës përmes dronëve kamikazë, prodhim të Iranit.
Putini në këtë konferencë ftoi NATO-n për “paqe e jo për armiqësi”, duke u shprehur se dialogu është hap për unitet.
Ai u shpreh tutje se Rusia është shteti i vetëm “që ia garanton Ukrainën sovranitetin dhe integritetin e shtetit, që krijoi Ukrainën e sotme”. /Koha.net/
Burimi: GAZETA.MK
