Paga për punonjësit e Policisë së Shtetit do të rritet me 7%, ka deklaruar Drejtori i Burgjeve. Duke u rritur kështu me 13 mijë e 700 lekë nga ku do të përfitojnë 3560 punonjës të policisë së burgjeve. Ndërkohë, Ministri i Drejtësisë, Ulsi Manja ka deklaruar se Pagat e Policëve të Burgjeve barazohen me pagat e Policisë së Shtetit.
“Paga e policëve të Burgjeve barazohen me pagat e Policisë së Shtetit”, deklaroi ai. Ndërkohë, lidhur me zgjatjen e mandatit të Arben Krajës në krye të SPAK, Ministri i Drejtësisë Ulsi Manja tha se e ka në dorë vetëm Kuvendi i Shqipërisë. “Reforma në drejtësi është një reformë e konceptuar tërësisht në parlamentin e Shqipërisë.
Ministri i Drejtësisë sot në raport me çështjet e drejtësisë ka funksione tërësisht monitorimi të sistemit”, u shpreh ai. Nga Fieri, Manja tha se në vendin tonë pritet të mbyllen 4 institucione të vuajtjes së dënimit, ndërsa shkak për këtë vendim janë kushtet e papërshtatshme të këtyre institucioneve për të dënuarit.
“Është IEVP në Sarandë, Tropojë, Vaqarri dhe Zaharia që tashmë është institucion i mbyllur sepse po shkojmë drejt strukturave akomoduese si kjo strukturë që kemi këtu në Fier”, tha ai.
Ndërkaq ministri i Drejtësisë foli edhe për marrëveshjen e ekstradimit me Dubain, një vend ky dyshohen se fshihen dhjetëra eksponentë të rëndësishëm të krimit nga Shqipëria. “Do të vazhdoj të kërkoj të kemi marrëveshje ekstradimi dhe bashkëpunimi në fushën e ndihmës juridiko-penale me të gjithë ato shtete ku në vlerësim të analizës të gjithë agjencive të sigurisë por edhe prokurorisë ndodhen shtetas shqiptarë që janë në konflikt me ligjin”, nënvizoi Manja.
