Gazeta spanjolle “Mundo Deportivo” ka zbuluar se sa afër ishte Lautaro Martinez për t’iu bashkuar me Atletico Madridin përpara se të shkonte te Interi.
Reprezentuesi argjentinas që atëherë është bërë një sensacion në “Giuseppe Meazza”, duke shënuar 74 gola në 180 ndeshje, duke i ndihmuar ata të fitojnë titullin, Kupën e Italisë dhe Superkupën.
Sidoqoftë, ishte pothuajse një skenar shumë i ndryshëm, sepse ajo lëvizje prej 25 milionë eurosh nga Racing Avellaneda në Atletico në korrik të vitit 2018 pothuajse ishte gati të realizohej.
Gazeta spanjolle publikoi fotografi të bëra në dhjetor 2017, ku tregohej 20-vjeçari në atë kohë duke pozuar me kontratën gjashtë vjeçare për Atletico Madridin.
Ai kishte kaluar testet mjekësore dhe agjenti i tij Roly Zarate tha se ishte “99% e kryer” dhe ai do të qëndronte në huazim në Racing për gjashtë muaj të tjerë.
Në vend të kësaj, legjendat e Interit, Diego Milito dhe Javier Zanetti, e bindën “El Toron” të zgjidhte Interin, me Racing të ndikuar nga një ofertë me vlerë dyfishin e 12 milionë eurove të propozuar nga Atletico.
