E ardhmja e Ousmane Dembele mbetet një mister, me sezonin 2021/22 pothuajse në fund.
Kontrata e anësorit të Barcelonës skadon në fund të sezonit aktual dhe, pavarësisht dëshirës së Xavi Hernandez që ai të qëndrojë, ende nuk është rënë dakord për rinovim.
Dembele ishte i destinuar të largohej nga klubi përpara se Xavi të merrte drejtimin, por trajneri katalanas gjeti përkohësisht një mënyrë për të nxjerrë më të mirën nga francezi.
Megjithatë, ai ka rënë përsëri jashtë formës.
Tani RMC Sport raporton se përfaqësuesit e 24-vjeçarit kanë qenë në kontakt të rregullt me Paris Saint-Germain që nga afati kalimtar i janarit dhe skuadra franceze ka vënë një ofertë në tryezë për të.
Megjithatë, është raportuar se Dembele po pret të dijë më shumë rreth projektit në PSG përpara se të angazhohet. Konkretisht, ai dëshiron të dijë nëse Kylian Mbappe do të jetë apo jo në Parc des Princes sezonin e ardhshëm, si dhe kush do të zëvendësojë Mauricio Pochettino si trajner gjatë verës.
Media të tjera kanë thënë se gjigantët francezë po i ofrojnë 17 milionë euro në vit Dembeles, një shumë që Barcelona thjesht nuk mund ta përballojë.
Megjithatë, Dembele mund të qëndrojë ende në Camp Nou. Drejtori i Përgjithshëm i Barcelonës, Mateu Alemany, do të takohet me agjentin e lojtarit, Moussa Sissoko, në një përpjekje për të gjetur një marrëveshje, por ata mbeten të penguar nga gjendja e tyre financiare.
