“Ylli” argjentinas Julian Alvarez është kthyer në një prej emrave më të lakuar në këtë merkato të verës, ku prej kohësh tashmë pas tij janë vënë “gjigantët” e Spanjës, Barcelona e Atletico Madrid, por nuk mbaron me kaq.
Ai padyshim është një prej lojtarëve më të kompletuar sa i përket trofeve të fituar, por edhe ndër më të talentuarit e momentit.
Sipas raportimeve më të fundit të mediave, për kartonin e 24-vjeçarit tashmë në garë kanë hyrë edhe “kollosët” francezë, të Paris Saint-Germain, me drejtorin sportiv të “Kuqebluve”.
Luis Campos, që pritet të nisë së shpejti negociatat me “Qytetarët” anglezë, për transferimin në “Parc des Princes”, të argjentinasit, i cili shihet si zëvendësuesi perfekt i Kylian Mbappe.
Burimi: botasot.info
