Mund ta keni provuar të paktën një herë që, pasi keni qenë në të njëjtën pozicion për një kohë të gjatë, nuk ndjeni një pjesë të trupit tuaj. Që zakonisht janë këmbët apo duart. Pastaj, kur përpiqeni të lëvizni, filloni të ndjeni ‘miza’ ose shpim gjilpërash. Janë fjalët e duhura për të përshkruar ndjesitë që ju ndodhin. Ndonjëherë bëhet aq e bezdisur saqë as nuk doni të lëvizni.
Sipas Institutit Kombëtar të Çrregullimeve Neurologjike dhe Goditjes në tru, ndjesia e mpirjes, quhet parestezi. Kjo zakonisht ndihet në duar ose këmbë, por mund të ndodhë edhe në pjesë të tjera të trupit. Ju ndoshta e keni përjetuar këtë ndjenjë sikur një tufë milingonash po zvarriten nëpër atë pjesë të trupit tuaj dhe mund të jetë shumë e pakëndshme. Kjo ndodh kur kemi qenë në të njëjtën pozicion për një kohë të gjatë.
Ndodh shpesh kur rrimë me këmbë të kryqëzuara ose biem në gjumë me njërin krah të palosur poshtë kokës. Në shumicën e rasteve, kjo ndodh kur ushtrohet presion i qëndrueshëm mbi një nerv. Ndjesia e një gjymtyre të mpirë zakonisht zhduket mjaft shpejt pasi lehtësohet presioni mbi nervin që ishte prekur, duke bërë që gjaku të qarkullojë përsëri.
Në mënyrë që të ndodhë kjo, ju thjesht mund të lëvizni pjesën e mpirë duke bërë stërvitje, duke u shtrirë ose duke e masazhuar atë.
Gradualisht, ndjesia si shpim gjilpërash do të zvogëlohet, derisa të zhduket.
Burimi: GAZETA.MK
