Banorët që preken nga Unaza e Madhe dhe procesi i rindërtimit kanë dalë sot në një protestë tek ura e Paskuqanit.
Të revoltuar dhe të vendosur, ata janë shprehur kundër shembjes së shtëpive të tyre, duke thënë se nuk kanë ndërmend të shkojnë në banesa sociale.
Qytetaret bllokuan urën, megjithatë nuk krijuan probleme në qarkullim.
Një pjesë e banorëve nuk kanë pranuar kontratat e propozuara nga Bashkia e Tiranës, ndërkohë që kjo e fundit premton kompensim të plotë, pra shkëmbim të pronave me objekte të reja që do të ndërtohen në lagjen e re 5 Maji.
