Kryeredaktori i ‘Gazeta Shqiptare’, Erl Murati i ftuar në rubrikën “Opinion” në News24, komentoi protestën që po mbahet në këto momente në Himarë në mbështetje të kryebashkiakut të qytetit, Fredi Beleri.
Murati u shpreh se Belerit nuk është goditur si pjesë e minoritetit grek, teksa shtoi se edhe opozita shqiptare nuk e ka cilësuar si të tillë.
Protesta është organizuar me iniciativën e shoqatës “OMONOIA”, ku prezent është edhe kryebashkiaku i Athinës, Kostas Bakojanis.
“Ndërhyrja e Athinës është politike dhe kërkon të tregojë se është i tyre. E vërteta është se ai nuk është goditur si pjesë e minoritetit grek. Po të shohim deklaratat e opozitës, nuk e kanë cilësuar arrestimin e Blerit për çështje etnike, por politikë e brendshme. Nuk e kanë venë theksin te arrestimi i tij si goditje e minoritetit greke. Nuk besoj se Bleri është goditur si pjesë e grupit etnik grek. Ne duhet të presim vendimin e gjykatës për këtë çështje, para se të japim verdikte penale për atë”, u shpreh Murati.
