Pas dorëheqjes së Lulzim Bashës nga posti i kryetarit të Partisë Demokratike, selia blu ka nxituar të komandojë pasardhësin që do e drejtojë këtë forcë politike deri në zgjedhjet e ardhshme.
Sekretari i Përgithshëm, Gazmend Bardhi ka njoftimin komandimin në këtë detyrë të Enkelejd Alibeaj, deri tani nënkryetar i PD-së, pasi më parë Jorida Tabaku njoftoi se nuk do t’i ushtrojnë përgjegjësitë e saj për të drejtuar partinë në këtë kohë krize.
Por cili është Enkelejd Alibeaj dhe ccfarë të shkuare ka ai në Partinë Demokratike?
Me formim juridik, Alibeaj në vitin 1999-2000 ka ushtruar detyrën e gjyqtarit në Gjykatën e Shkallës së Parë Tiranë, një nga gjykatat më të rëndësishme në Republikën e Shqipërisë.
Në vitet 2000-2005 ai ushtroi profesionin e avokatit.
Kontaktet e para me Partinë Demokratike kanë qenë pikërisht në vitin 2005, vit që do të sillte PD-në në pushtet. Ai ka qenë avokati kryesor i PD-së në ccështjet gjyqësore që ajo ka pasur në KQZ lidhur me pretendimet për manipulime në disa zona në ato zgjedhje.
Pak muaj më vonë ai u shpërblye nga Sali Berisha i cili i besoi deri në vitin 2007 detyrën e Drejtorit të Departamentit të Kontrollit të Brendshëm Administrativ dhe Antikorrupsionin pranë Këshillit të Ministrave. Emërimi në këtë detyrë është kompetencë e drejtpërdrejtë e Kryeministrit dhe departamenti që drejtoi përbënte një strukturë të rëndësishme dhe efikase të hetimit të administrativ të veprimtarisë së administratës shtetërore.
Gjatë këtyre viteve ai ka përfaqësuar Këshillin e Ministrave në çështjet gjyqësore përpara Gjykatës Kushtetuese.
Dy vjet më vonë, karriera e tij politike njohu një tjetër ngritje. Pas dorëheqjes së Ilir Rusmalit, në nëntor 2007, Berisha ia besoi këtë portofol këshilltarit të tij në kryeministri. Këtë post Alibeaj e mbajti deri në zgjedhjet e vitit 2009.
Në zgjedhjet e përgjithshme të atij viti kur PD-ja fitoi mandatin e dytë, Alibeaj ishte i kaërti në qarkun e Fierit, duke arritur të fitojë një vend në Parlament.
Megjithatë, si shumë deputetë të tjerë të komisionit të ligjeve të asaj legjislature, edhe Alibeaj nuk u rikandidua.
Një vit më vonë ai provoi të merrte postin numër dy në PD, atë të sekretarit të Përgjithshëm. Megjithëse loboi fort, Alibeaj humbi përballë Arben Ristanit, ndërkohë që në garë ishte edhe Eduard Selami.
Megjithëse pakënaqësinë e tij për këtë humbje e shfaqi dhe në korridoret e kësaj partie u fol për një largim të tij nga jeta politike, Alibeaj u thirr sërish, këtë herë përtë kandidatuar për kryetar të Bashkisë së Fierit, përballë Armando Subashit. Sicc edhe pritej, edhe në vitin 2015, kjo bashki ishte e socialistëve.
Dy vjet pas zgjedhjeve lokale, ai u shpërblye nga Lulzim Basha për t’u emëruar drejtues i listës së qarkut të Fierit në zgjedhjet e 2017 ku megjithëse PD-ja humbi thellë, ai e fitoi mandatin. E megjithatë, atë nuk e gëzoi gjatë, pasi opozita mori vendim pë t’i lënë mandatet dhe për të dalë nga Parlamenti.
Në zgjedhjet e 25 Prillit 2021, ai ishte sërish i pari në qarkun e Fierit dhe pas zhvillimeve të fundit kaotike në selinë blu, mori postin e nënkryetarit të partisë dhe kreut të grupit parlamentar pas largimit të Alfred Rrushajt. Sot, me largimin e Lulzim Bashës, ai u njoh edhe me detyrën e re, atë të kryetarit të komanduar të PD-së.
Enkelejd Alibeaj është angazhuar edhe në veprimtari akademike si lektor në lëndën “E drejta Kushtetuese”, pranë disa universiteteve dhe ka kontribuar në një sërë veprimtarish dhe botime akademike në fushën e së drejtës.
Ai ka marrë pjesë në një sërë seminaresh, konferencash, aktivitete dhe kurse trajnimi jashtë vendit dhe që lidhen me të drejtën procedurale penale (Itali, Poloni), të drejtat e njeriut (Strasburg), reforma në gjyqësor (Bullgari) apo në fushën e antikorrupsionit.
Në vitet 2000-2003 ai ka ushtruar detyrën e drejtorit ekzekutiv të një organizate jofitimprurëse në fushën e së drejtës “Instituti i Studimeve Demokratike” me objekt të veprimtarisë së vet studimet në fushën e së drejtës dhe përgatitje të legjislacionit. Ai gjithashtu është angazhuar nga OSBE – Prezenca në Shqipëri si një nga ekspertët më të mirë vendas në fushën e sistemeve dhe legjislacionit të zgjedhjeve.
