“Jo çdo ministër i jashtëm mund të hyjë në zyrën e Sekretarit Blinken. Bujar Osmani arriti të hyjë dhe kjo është shprehje e respektit nga Amerika dhe administrata e Bidenit për vendin tuaj”. Kështu është deklaruar në intervistën e dhënë për TV21, njohësi i politikës së Ballkanit, profesori i Universitetit “Johns Hopkins” në Uashington, Edward P. Joseph.
Joseph ka vlerësuar edhe Dialogun Strategjik në mes SHBA dhe RMV, iniciatori i së cilës ishte kryediplomati Bujar Osmani. Sipas profesorit amerikan ky dialog strategjik është shumë i rëndësishëm. Zbatohet simbolikisht dhe praktikisht.
“I rëndësishëm në kohën e sotme, kur kërcënimi rus është i madh. Është me rëndësi të kemi kujdesin e SHBA-së në fusha konkrete të bashkëpunimit me të cilat ndërtohet raporti me Maqedoninë e Veriut”, tha ai.
