FC Prishtina ka shënuar fitore në ndeshjen miqësore të zhvilluar ndaj Vëllaznimit në Stadiumin e Qytetit në Gjakovë me rezultat 4:2.
Golat për Prishtinën në këtë takim u shënuan nga Bleart Tolaj, Josip Tomasheviq, Albin Prapashtica dhe Drilon Cenaj. Për Vëllaznimin të dyja golat i realizoi Lekë Vula nga penalltitë.
Kjo ndeshje i ka shërbyer trajnerit të Prishtinës, Abdullah Ibrakoviç, për ta parë formën e futbollistëve, të cilët janë paraqitur më pak në ndeshjet e Superligës dhe Kupës së Kosovës.
Për dallim nga Prishtina, skuadra tjetër me renome në futbollin e Kosovës, Vëllazmimi garon në Ligën e Parë të Kosovës.
