Presidenti i Türkiyes, Recep Tayyip Erdoğan mbërriti në Algjeri në një vizitë zyrtare, raporton Anadolu.
Presidenti Erdoğan u prit në aeroportin “Huari Bumedyen” në Algjer nga presidenti i Algjerisë, Abdelmadjid Tebboune.
Gjatë mirëpritjes dy fëmijë të veshur me veshje tradicionale i dhuruan presidentit Erdoğan lule.
Më pas në aeroport u mbajt ceremonia e pritjes zyrtare për Erdoğan-in.
Pas pozicionimit në zonën ceremoniale mes dy presidentëve, u intonuan himnet kombëtare të të dy vendeve. Erdoğan dhe Tebbun përshëndetën trupën ceremoniale dhe më pas prezantuan delegacionet e tyre.
Bashkë me presidentin Erdoğan në Algjeri mbërritën edhe ministri i Punëve të Jashtme, Hakan Fidan, ministrja e Familjes dhe Shërbimeve Sociale, Mahinur Özdemir Göktaş, ministri i Energjisë dhe Burimeve Natyrore, Alparslan Bayraktar, ministri i Thesarit dhe Financave, Mehmet Şimşek, ministri i Mbrojtjs Kombëtare, Yaşar Güler, ministri i Tregtisë, Ömer Bolat, ministri i Transportit dhe Infrastrukturës, Abdulkadir Uraloğlu, kreu i Agjencisë Kombëtare të Inteligjencës (MIT), İbrahim Kalın, drejtori i komunikimeve të Presidencës, Fahrettin Altun dhe kryekëshilltari i presidentit, ambasadori Akif Çağatay Kılıç.
