Policia amerikane është në ndjekje të një të dyshuari që qëlloi dhe plagosi nëntë persona gjatë të shtënave masive të dielën në një klub nate në qendër të qytetit Cleveland, Ohio, transmeton Anadolu.
“Nuk ka të vrarë nga të shtënat”, tha shefi i policisë së Clevelandit, Wayne Drummond.
Një person i armatosur i paidentifikuar, i cili është ende në arrati, hapi zjarr ndaj një turme njerëzish në pjesën qendrore të Clevelandit.
Policia po vëzhgon gjurmët dhe vazhdon ndjekjen e të dyshuarit, i cili në raportin policor cilësohet si “njëri me ngjyrë i veshur me rroba të zeza”.
Të shtënat masive në SHBA arritën një rekord në gjysmën e parë të këtij viti, me më shumë se 330 raste të regjistruara, sipas të dhënave të përpiluara nga Arkivi i Dhunës me Armë.
