Një nga ngjarjet më tragjike të vendit tonë është shpërthimi i Gërdecit në vitin 2008. Në atë kohë në ekranin e Top Channel transmetohej një nga edicionet e “Big Brother”, ku kjo ngjarje e rëndë i gjeti banorët të izoluar brenda në shtëpi.
Shpërthimi i fuqishëm tronditi të gjithë konkurrentët, të cilët, të izoluar nga realiteti jashtë, nuk e dinin se çfarë po ndodhte.
Në puntatën e radhës të emisionit “Ëndërrtjerrësit” që u transmetua mbrëmjen e djeshme, u dha momenti kur banorët përjetuan ngjarjen e rëndë. Regjisori tregon sfidat e atij momenti të vështirë, ku më e rëndësishmja ishte siguria e banorëve. Ai kujton se shtëpia pati disa dëmtime.
“Në mes të gjithë asaj, një nga konkurrentet më thoshte po vijnë fansat, po tronditin vendin, ndërkohë që aty çfarë nuk po ndodhte.
Gjëja e parë që më ka vajtur në mendje ka qenë kujdesi për banorët. Shtëpia pati shumë dëmtime. I larguam banorët dhe të gjitha riparimet i kemi mbaruar brenda natës, që kur të vinin ata çdo gjë të ishte në rregull”, tha regjisori Rezart Aga.
“Big Brother”
