Media spanjolle nxit raportet për një përçarje mes Gerard Pique dhe Lionel Messi duke pretenduar se spanjolli i kërkoi Barcelonës të mos rinovojë kontratën e madhe të shokut të tij të vjetër për t’i shpëtuar ata nga problemet financiare.
Gerard Pique “iu lut” Barcelonës që të mos rinovojë kontratën e Lionel Messit verën e kaluar në mënyrë që të shpëtojë financat e klubit, sipas raportimeve më të fundit nga mediat spanjolle.
Presidenti i katalanasve Joan Laporta i tha Messi-t se ata nuk mund të përballonin rrogën për ta mbajtur atë, pavarësisht se argjentinasi ofroi ulje të pagës së tij me 50 për qind, e cila ishte me vlerë mbi 425 milionë paund gjatë katër viteve.
34-vjeçari më pas përfundoi te Paris Saint-Germain si një transferim i lirë, duke nënshkruar një kontratë dyvjeçare me gjigantët e Ligue 1 me vlerë 35 milionë paund në sezon.
Miqtë e tjerë të ngushtë të Messit në klubin e Barcelonës, Jordi Alba dhe Sergio Busquets,morën të dy shkurtime pagash në një përpjekje për t’i liruar hapësirën për të qëndruar Messi, por Pique nuk e konfirmoi pagën e tij të shkurtuar derisa ishte tepër vonë.
Rinovimi i fundit i kontratës i nënshkruar nga Pique i bëri shumë dëm Messit dhe ai u ndje i zhgënjyer. U ndje i mashtruar nga Pique.
