Shakira dhe Pique janë parë duke u larguar nga një firmë ligjore në Barcelonë. Ky fakt tregon se procedurat për divorcin e tyre janë në vazhdim dhe të dy po bashkëpunojnë për ta bërë atë sa më shpejt.
Çifti tashmë ka konfirmuar së fundmi se, pavarësisht trashëgimisë së madhe që duhet të ndajnë, prioriteti i të dyve është të mos bëjnë luftë dhe të ofrojnë më të mirën e mundshme për fëmijët e tyre, shkruan abcnews.al.
Videoja është publikuar nga El Periodico, Las ‘Mamarazzis’, të cilët e kanë ndjekur të gjithë fundin e kësaj marrëdhënieje ikonike me informacione të dorës së parë.
Javët e fundit, lojtari i Barcelonës është parë me Klarën, partneren e tij të re, duke shijuar disa momente së bashku. Ka zëra se Shakira gjithashtu mund të rindërtojë jetën e saj, megjithëse ky informacion është më i paqartë dhe i pakonfirmuar.
