Sekretari amerikan i Shtetit, Antony Blinken, ka folur para gazetarëve pas takimit të sotëm të ministrave të jashtëm të NATO-s në Belgjikë.
“Ka një vendosmëri më të madhe se kurrë për të qëndruar me Ukrainën,” tha ai, dhe për t’i shkaktuar “kosto edhe më të mëdha” Rusisë për pushtimin e saj.
Ai tha gjithashtu se për çdo Bucha – një qytet në të cilin Rusia është akuzuar për kryerjen e krimeve të luftës – ka të ngjarë të ketë më shumë vende ku po ndodhnin mizori.
Blinken gjithashtu përshëndeti votimin e mëparshëm për pezullimin e Rusisë nga Këshilli i OKB-së për të Drejtat e Njeriut, duke thënë: “Sot, një gabim u korrigjua”./V.N/
