Nëntëmbëdhjetë persona kanë mbetur të vdekur në një klub nate në provincën Papua Perëndimore të Indonezisë, thanë zyrtarët të martën.
Kjo pasi dy grupe u përleshën në klub duke sulmuar njëri-tjetrin me hanxharë, shigjeta dhe kokteje molotov, tha zëdhënësi i policisë kombëtare, Ahmad Ramadhan, shkruan AP.
Policia evakuoi vizitorët gjatë përleshjes, por më vonë zjarrfikësit gjetën 18 trupa në një nga dhomat brenda ndërtesës.
Një tjetër person i gjetur i vdekur ishte anëtar i një grupi të përfshirë në luftime.
Policia po heton ende se çfarë e shkaktoi përplasjen dhe nëse zjarri ishte i qëllimshëm apo aksidental.
