Ne 24 vjetorin e rënies heroike në Strofc të Vushtrrisë janë përkujtuar gjashtë dëshmorët e kombit, Bektesh Haliti, Nezir Imeri,Xhelal Hajda- Toni, Selajdin Abazi- Mici dhe Hamdi Hajrizi të renë në Apterushë të Rahovecit.
Me ketë rast, në Strofc, është përuruar lapidari i dëshmorit te kombit, Ruzhdi Hajrizi.
Kryetari i Komunës së Vushtrrisë, Ferit Idrizi, më këtë rast tha se ky nderim për dëshmorët e lirisë po bëhet në prag të festave të nëntorit, në nderim të jetës dhe sakrificës së tyre sublime për lirinë e Kosovës.
Manifestimin në Strofc e kanë përshëndetur edhe kryetari i Rahovecit, Smajl Latifi, dhe përfaqësuesi i familjeve te dëshmorëve dhe veteraneve te UÇK- se, Xhavit Jashari.
Ata thanë se rënia e tyre, në Apterushë, në misionin e furnizimit me armatim, është dëshmia më e mirë se sa i lartë ishte çmimi i lirisë dhe përkushtimi atdhetar i luftëtarëve të rënë në fushën e nderit.
