Kryetari i Bashkisë së Tiranës, Erion Veliaj po dëshmon në Komisionin Hetimor për Inceneratorët. Veliaj është pyetur lidhur me një pagesë 45 milion euro, që sipas kryetares së Komisionit Jorida Tabaaku është vendimi i përcaktimit të tarifës së dherave që i ka dhënë inceneratorit të Tiranës. Mes Veliajt dhe Tabakut ka pasur akuza të ndërsjellta, duke thënë se kanë vila në Tiranë.
Tabaku ka theksuar se programin buxhetor afatmesmes, nuk e ka landfillin e Sharrës, nuk e ka koncesionin e Tiranës dhe nuk ka asnjë nga shumat buxhetore që sipas saj Veliaj në kundërshtim me ligjin e ka angazhuar, duke i shtuar 45 milion euro koncesionarit të Tiranës.
Pjesë nga debati:
Veliaj: Do të të mund në gjykatë. Për shpifje. Të nxori gjykata shpifëse. Apo kontraktori i vilës tënde. E di që je në ndërtim.
Tabaku: Je me vilë te kodra e diellit. Ju jeni në komision. Jam në hetim që nga 2005 për pasurinë. Nuk kam nevojë ta fsheh. Problemi është për ju në këtë komision.
Veliaj: Më lërë të flas. Është e pandershme.
Veliaj: Si ndërtuese ju keni interes. Nuk je rehat të djeg edhe për dherat.
Tabaku: Unë nuk jam ndërtuese.
Veliaj: Pse duhet të marrë vendim këshilli bashkiak unë që xhaxhai yt të hedh dherat.
Tabaku: Xhaxhi im ka vdekur. Familja ime është shumë e nderuar. Është përballë çdo organi hetimor.
Tabaku: Pse i ke dhënë 45 milion euro?
Veliaj: Je përfituese. Familja.
Tabaku: Po gënjen të të vijë turp. Po gënjen. 45 mln euro ia ke dhënë koncesionarit, përgjigju këtu. Këtu përgjigju.
Veliaj: Do bëhesh me tiroide.
Tabaku: Është ofendim.
