Duket sikur udhëtimi i Mauro Icardit në Argjentinë dy javë më parë për të biseduar me Wanda Naran nuk dha rezultat, pasi raportimet e fundit sugjerojnë se dokumentet e tyre të divorcit janë nënshkruar.
Marrëdhënia e dyshes së famshme, që ka bërë bujë të madhe prej vitesh, siç shihet është në përfundim.
“Këto janë letrat e divorcit që Wanda nënshkroi më 1 tetor kur Icardi erdhi këtu dhe foli me Ana Rosenfeld për orë të tëra në apartamentin e Nunez”, tha gazetari argjentinas Angel de Brito.
“Aq sa duan të flasin për këtë, është nënshkruar nga Wanda. Tani fillon procesi ligjor”.
Icardi nga ana tjetër javë më parë e quajti bionden si ‘toksike’ dhe pretendoi se u përpoq t’ia kontrollonte jetën.
Wanda, e cila u martua me sulmuesin e Galatasaray, Icardi në 2014, konfirmoi ndarjen në shtator.
Futbollisti ka dy fëmijë me Naran: Francesca, shtatëvjeçe dhe Isabella, pesëvjeçe.
Bukuroshja është gjithashtu nënë e tre fëmijëve të tjerë nga marrëdhënia me Maxi Lopez.
