Nëse po transmetoni një lojë që po luani tek një grup miqsh ose familja, ka një opsion të ri për ta bërë: Microsoft Teams.
Microsoft ka shtuar një integrim të ri në Xbox Game Bar që ju jep përdoruesve mundësinë për të transmetuar live në aplikacionin e video thirrjeve të kompanisë me në fokus bizneset.
Një mini aplikacion i ri quajtur Microsoft Teams Play Together sjell integrimin në Windows. Sapo ta instaloni përmes Microsoft Store app, mund të ndani desktopin tuaj në Teams, kështu që miqtë mund të shohin lojën tuaj.
Gjithashtu mund tu bashkoheni video thirrjeve ndërsa jeni duke luajtur ku të tjerët shohin lojën. Deri në 20 persona mund të hyjnë në një thirrje në të njëjtën kohë.
Edhe pse duket sikur ky opsion është ndërtuar për qëllime pune, në të vërtetë ka një mendje në gaming. Microsoft thotë se ky integrim krijon një ambient për të parë dhe luajtur lojëra.
Megjithatë ka një disavantazh të madh krahasuar me rivalët dhe ky është kufizimi vetëm në 30fps. Twitch ka një limit prej 1080p/60fps ndërsa YouTube 4K/60fps.
Integrimi nuk lejon transmetimin vetëm për aplikacione specifike, është i gjithë desktopi juaj që paraqitet dhe çfarë ka në të. /PCWorld Albanian
BURIMI: PCWORLD.AL
