Edhe pse është paralajmëruar zgjidhje deri në fund të shtatorit – sërish pensionistët nuk duruan – u zgjuan në këmbë dhe për të dytën herë bllokuan kryeqytetin. Duan që pensioni minimal të jetë 18.000 denarë dhe kërkuan dorëheqjen e kryeministrit Dimitar Kovaçevski dhe ministres së Punës dhe Politikës Sociale, Jovanka Trençevska, transmeton TV21.
18.000 denarë është kërkesë që del nga paga minimale në vend, që sipas protestuesve, do të mundësonte një jetë më të dinjitetshme për ta.
Protesta që vjen në Ditën Ndërkombëtare të Pensionistëve – 20 shtatori, dërgoi mesazhin kryesore – që të ketë rritje lineare të pensioneve, për 3.5000 denarë.
Sipas të dhënave të Entit Shtetëror të Statistikave dhe Fondit për Sigurim Pensional të Maqedonisë, në muajin qershor pensioni minimal ka arritur vlerën prej 12.493 denarë apo 34% e pagës minimale neto. Pensioni mesatar që për momentin është më i ulët se paga minimale (19.106), nga Sindikata e Pensionistëve kërkohet që të jetë 60% e pagës minimale neto të paguar, gjegjësisht të kapë vlerën prej 21.916 denarë.
Burimi: TV21
