schedule14:20 – 24 Shkurt, 2022
Ministri i Mbrojtjes në Shqipëri Niko Peleshi në fjalën e tij në Kuvend, ka dënuar sulmin e Rusisë ndaj Ukrainës.
Peleshi në fjalën e tij është shprehur se Shqipëria dhe e gjithë shoqëria shqiptare pa dallim partiak qëndron përkrah Ukrainës.
Ndër të tjera ministri është shprehur se qeveria shqiptare dënon agresionin rus dhe se Shqipëria në të gjithë këtë situatë do të qëndrojë në krah të NATO-s.
“Raportohen humbje jete. E dënojmë me forcë sulmin e pajustifikuar të Rusisë ndaj Ukrainës. Jemi të bashkuar në NATO në këtë luftë vlerash, Shqipëria do të vazhdojë që të japë kontributin e saj real në NATO. Dëshiroj të risjellë se kushdo shqiptarë që është i interesuar për paqen në rajon në Shqipëri dhe Kosovë duhet të unifikohet në një qëndrim të përbashkët. Qëndrimi i Shqipërisë duhet të unifikohet me NATO-n dhe me BE. Rezolutat nuk janë në të mirë të dinjitetit tonë, nuk shikoj rezoluta parlamentare. Nuk është praktikë e panjohur, por po flasin qeveritë në emër të qeverive të tyre. Ne jemi më të bashkuar se kurrë. Mos e përdorni për agenda politike’, ka thënë Peleshi./
