Opozitare, lërini pallavrat, o jeni të pavarur, o përfaqësoni interesat partiake. Çështja është se kushtetuta njeh sistemin përfaqësues zgjedhor, pra deputetët e një subjekti politik përfaqësojnë subjektin, i cili i ka deleguar. Që do të thotë përmbushja e të drejtës për themelimin e komisionit ad-hoc e kanë partitë politike opozitare, jo deputetët, sepse është në kundërshtim me sistemin zgjedhor, atë parlamentar dhe kushtetues.
Para formimit të komisionit hetimor, ai duhet t’i dërgohet zyrës ligjore të Kuvendit, apo komisionit për legjislaturë, që ta jap mendimin ligjor, se a munden ta formojnë komisionin ad-hoc hetimor deputetet që përfaqësojnë në Kuvend subjektet politike, apo ata që herë janë të pavarur, e herë përfaqësues të subjekteve politike. Dreqi qëndron në detaje, sepse në rastin konkret duhet që parlamenti ta zgjedhe kryetarin e komisionit nga subjekti politik opozitar, i cili nuk është nënshkrues i themelimit të komisionit hetimor, për t’u ruajtur balanci pozitë-opozitë. Zgjedhja është partitë politike shqiptare të propozojnë themelimin e komisionit hetues ad-hoc, ndërsa LS ta propozon kryetarin e komisionit, këtë po duan ta fshehin opozitarët.
