Shumica do bashkim, por te mënyra e bashkimit janë sërish të ndarë.
Kriza në Partinë Demokratike ka marrë një tjetër dimension, në mbledhjen e të shtunës në selinë blu. Për herë të parë Lulzim Basha ka pranuar idenë e dorëheqjes, por me kushtin që asgjë të mos lëvizë nga vendimmarrja e 9 shtatorit. Një pjesë e mirë e drejtuesve janë të të njëjtin mendim.
Por, kritikët e rinj të Bashës ata të pas 6 marsit , kanë ndryshuar mendim. Megjithëse nuk e thonë hapur, për ta rëndësi ka te ikë Basha së pari.
Debati zgjati 6 orë, pa arritur ndonjë përfundim. Të dyja palët janë dakort për bashkimin, madje dhe për krijimin e një ekipi të përbashkët, por te dyja palët nuk janë tërësisht të sinqertë në atë që thonë. Ndërsa kritikët e ashpër të kryedemokratit heshtin kur përmendet emri i Sali Berishës , mbështetësit e Lulzim Bashës kërkojnë moskthimin e Berishës , por pa shpjeguar përse Basha të mos japë dorëheqjen që tani.
Ajo qe te dyja palët nuk pranojnë është se kjo përplasje e re, nuk është aq për largimin e kryetarit të Partisë Demokratike, sesa për rezistencën e asaj pjese të partisë që nuk do që Sali Berisha të rikthehet. Dhe ndërsa ketë rikthim pala tjetër e vë si kusht, kushti i Lulzim Bashes është krejt i kundërti. Një krizë që nuk premton zgjidhje sa kohë Sali Berisha i cili ndjehet fitimtar, të pranoje të mos kthehet dhe të hedhe poshtë gjithë betejën 6 mujore.
Por, Lulzim Basha është i bindur se duke fituar kohë, gjendja do të qetësohet.
Basha: Si kryetar i Partisë Demokratike, përgjegjësia kryesore bie mbi mua, ndaj ndava me grupin parlamentar në këtë diskutim të gjatë dhe të frytshëm atë që do të ndajë edhe me institucionet e tjera të partisë, vënien time në dispozicion të zgjidhjes në të gjitha format dhe mënyrat e mundshme që ndihmojnë përbashkimin e Partisë Demokratike dhe ecjen e demokratëve përpara. Sa më takon mua, jam në dispozicion të zgjidhjes më gjithçka që unë kam në dorë.
